په نیمروز کې د نبي کریم ﷺ د سیرت سیالۍ ګډونکوونکو ته جایزې ورکړل شوې
د نیمروز ولایت په چهاربرجکې ولسوالۍ کې د نبي کریم ﷺ د سیرت سیالۍ ممتازو ګډون کوونکو ته د جایزې ورکړل شوې.
په دې اړه جوړه شوې غونډه کې د یادې ولسوالۍ مرستیال، مولوي جمعهګل فردوس، د اطلاعاتو او کلتور رئیس الحاج مفتي حبیبالله الهام، د چاپېريال ساتنې رئيس مولوي حبیبالله مظهري، د ولسوالۍ د یو شمېر ملکي او نظامي ادارو مسؤلينو، علمأ کرامو، د چهاربرجکې ولسوالۍ د پوهنې آمر او ګڼ شمېر ځوانانو ګډون کړی و.
غونډه د قران کریم د څو مبارکو آیتونو په تلاوت سره پيل شوه، ورپسې ښاغلي الهام د چهاربرجکې ولسوالۍ د ملکي او نظامي مسؤلينو له همکارۍ او د نبي ﷺ د سیرت په سیالۍ کې له ګډونکوونکو څخه مننه وکړه او د رسولالله ﷺ د سنتو په تړاو یې مفصل بحث وکړ.
ښاغلي الهام د کلتوري، علمي او فکري پروګرامونو د ترسره کولو په برخه کې د غونډې ګډونوالو ته د لازیاتو همکاریو ډاډ ورکړ او د یادې ولسوالۍ بېلابېل اقشار یې یووالي او اتفاق ته و هڅول.
غونډه د نبي کریم ﷺ د سیرت سیالۍ ګټونکو ته د جایزو ورکولو سره پای ته ورسېده.
۱۴۴۴/۳/۲۹ هـ ق
۱۴۰۲/۷/۲۲ هـ ش
