په هرات کې د اتفاق اسلام ورځپاڼې ۱۰۳ کلیزه ولمانځل شوه
د هرات ولایت د اطلاعاتو او کلتور په رياست کې د اتفاق اسلام ورځپاڼې ۱۰۳ کلیزه د یوې غونډې په ترڅ کې ولمانځل شوه
په دې اړه د دغه ولایت د اطلاعاتو او کلتور رئيس مولانا نعيم الحق حقاني وايي، چې د هېواد په لوېديځه برخه کې د اتفاق اسلام ورځپاڼې د فعالیت ۱۰۳ کاله پوره شول، د غه ورځپاڼه په حقیقت کې زموږ د هېواد د تاریخ د یوې پېړۍ یادونه ده، چې پکې د هېواد د یوې پیړۍ د بریا او ناکامۍ ټولې برخې شاملې دي.
ښاغلي حقاني د اتفاق اسلام ورځپاڼې پر خپرېدو او د کارکوونکو د شمېر پر کموالي اندېښنه وښوده او د اطلاعاتو او کلتور وزارت له مسؤلینو يې وغوښتل چې په یاده برخه کې ور سره همکاري وکړي.
په ورته وخت کې د اتفاق اسلام ورځپاڼې مسؤل مدير فايق هروي وویل: په دې ورځپاڼه کې تحليلي برخه، سالم او کلتوري مطالب له قوي محتوا سره خپرېږي.
۱۴۴۵/۲/۶ هـ ق
۱۴۰۲/۶/۱/ هـ ش
