کندهار ته د بهرني او داخلي سیلانیانو ورتګ زیات شوی
کندهار ولایت چې د افغانستان له هغه ولایتونو څخه دی چې تاریخي، کلتوري او تفريحي سیمې لري، د داخلي سیلانیانو تر څنګ د نړۍ له مختلفو هېوادونو څخه سیلانیان ورته راځي.
د یاد ولایت د اطلاعاتو او کلتور ریاست د ګرځندوی آمر حامد احسان وايي، په تېرو دریو میاشتو کې کندهار ته د داخلي سیلانیانو تر څنګ د فرانسې، استرلیا، چین، جرمني، ایرلینډ او نورو هېوادونو څخه ۵۳ تنه خارجي سیلانیان راغلي، دلته يې د تفریحي، تاريخي او لرغونو سيمو څخه ليدنې کړې دي.
۱۴۴۴/۱۲/۲۳ هـ ق
۱۴۰۲/۴/۲۰ هـ ش
