د کابل ښار پراختیایي پروژې پلان د هنر او کلتور معین ته وړاندې شو
نن سه شنبه ( ۱۴۴۴/۱۱/۱۰هـ ق) د کابل ښاروالۍ د ښاري پراختیا ریاست مسئولینو د کابل ښار پراختیایي پلان د تاریخي سیمو او آبداتو د حفاظت په پار د اطلاعاتو او کلتور وزارت د هنر او کلتور معین مولوي عتیق الله عزیزي ته وړاندې کړ.
کابل ښاروالۍ د دې ښار په دوهمه ناحیه کې د ده افغانانو تجارتي مارکیټونو شاته د یو عصري ښارګوټي د جوړلو پلان لري.
ددې پلان د تطبیق لپاره د هنر او کلتور معین په دې سیمه کې د ځینو شته تاریخي آبداتو د ساتنې لپاره لازمې سپارښتنې وکړې او غوښتنه یې وکړه چې د نوي ښارګوټي په جوړولو کې د پخوانيو کورنو یو یا څو بېلګې د یاد ګار په توګه حفظ شي.
