ګرشک ښوونیز مرکز کې لسګونو ځوانانو ته رزنیز سیمینار وړاندې شو

د هلمند د اطلاعاتو او فرهنګ ریاست اړوند د ګرشک ولسوالۍ د اطلاعاتو او فرهنګ مدیریت له لوري په ګرشک ښوونیز مرکز کې لسګونو ځوانانو ته (د ځوانانو فکري جوړښت) په نوم یو ورځنی روزنیز سیمینار وړاندې شو.
د ګرشک ولسوالۍ د اطلاعاتو او فرهنګ مدیر وویل: تېر شلو کلونو کې د ډیرو ځوانانو افکار تر منفي اغیزو لاندې راغلي وو، چې له امله یې ځینو ځوانانو خپل اسلامي او افغاني فرهنګ او عنعنات له پامه غورځولي و او پر ځای یې پردیو مفکورو ته کار کاوه.
نوموړي زیاته کړه، چې د ځوان نسل د فکري ودې او سالم شخصیت د جوړېدو لپاره مطالعه خورا مهمه ده او ځوانان باید له بېلابېلو ګټورو او باوري کتابونو سره خپله اړیکه پیاوړې کړي؛ ځکه مطالعه د فکر د قوي کیدلو او د سم او ناسم ترمنځ د توپیر کولو وړتیا پیاوړې کوي.
د سیمینار په لړ کې ګډونوالو د یاد سیمینار له جوړولو څخه خوښي څرګنده کړه او له مسؤلینو څخه یې په راتلونکي کې د ورته نورو روزنیزو سیمینارونو د جوړېدو غوښتنه وکړه.

۱۴۴۸/۳/۱۲ هـ ق