بادغیس کې د امارتي ادارو له ویاندویانو او د رسنیو له مسؤلینو سره د همغږۍ غونډه وشوه
د بادغیس د اطلاعاتو او فرهنګ ریاست له لوري د دې ولایت د امارتي ادارو له ویاندویانو او د رسنیو له مسوولانو سره د همغږۍ غونډه وشوه.
د اطلاعاتو او فرهنګ رئیس آخندزاده مطیعالله متقي د ټولنې د عامه پوهاوي په برخه کې د رسنیو پر مهم رول ټینګار وکړ او ویې ویل: ټولې خپرونې باید د اسلامي ارزښتونو، د اسلام د دفاع او اسلامي فرهنګ په پام کې نېولو سره جوړې او خپرې شي.
نوموړي د رسنیو له مسؤلینو څخه وغوښتل، چې د خپلو دندو د ترسره کولو پر مهال اخلاص او مسوولیتمنلو اصل په پام کې ونیسي او د خلکو د عامه پوهاوي، په ځانګړې توګه د دیني موضوعاتو په برخه کې لا زیاتې هڅې وکړي.
همدارنګه د اطلاعاتو او فرهنګ رئیس د زمري ۲۴مې نېټې د را رسېدو په مناسبت له رسنیو څخه وغوښتل، چې د دغې ورځې په مناسبت ډېر پروګرامونه او خپرونې جوړې کړي.
د غونډې په پای کې ګډونوالو د رسنیزو فعالیتونو اړوند پر بېلابېلو موضوعاتو بحث هم وکړ.
۱۴۴۸/۲/۷ هـ ق
