د لوحو او اعلاناتي تابلوګانو د اصلاح کمېسيون د کابل له دیارلسمې ناحیې څخه څارنه وکړه
د اطلاعاتو او فرهنګ وزارت د خپرونو چارو معینیت اړوند د لوحو او اعلاناتي تابلوګانو د اصلاح کمېسيون د خپلو ساحوي فعالیتونو په دوام د دیارلسمې ناحیې د دشت برچي ساحې اړوند د لوحو او اعلاناتي تابلوګانو څخه څارنه وکړه
د غونډې په پیل کې د افغانستان د علومو اکاډمۍ استازي او د دې کمېسیون غړي محترم واکمن د کمېسیون د فرهنګي فعالیتونو د ارزښت په اړه له رسنیو سره خبرې وکړې.
وروسته د کمېسیون غړو د یادې سیمې لوحې او اعلاناتي تابلوګانې د کمېسیون د کړنلارې له معیارونو سره سم په هر اړخیز ډول وڅېړلې او د غیرمعیاري لوحو او اعلاناتي تابلوګانو لپاره یې اړینې سپارښتنې وکړې. همدارنګه، هغو لوحو او تابلوګانو ته چې پکې بهرني اصطلاحات او کلمې کارول شوې وې، د کمېسیون مسلکي غړو د هېواد په ملي ژبو مناسب بدیلونه وړاندې کړل. سربېره پر دې، د هغو لوحو او اعلاناتي تابلوګانو لپاره چې زړې شوې وې، غیرشرعي انځورونه یې لرل، په نامناسب ځایونو کې نصب شوې وې او یا هم بېمفهومه وې، د اصلاح لپاره لازم وړاندیزونه وړاندې شول.
د یادونې وړ ده، چې په دې ساحوي پروګرام کې ۱۸۰ لوحو او اعلاناتي تابلوګانو څارنه او ارزونه وشوه..
۱۴۴۸/۱/۲۸ هـ ق
