د کتاب ارزونې کمېسيون نوبتي غونډه ترسره شوه
دوشنبه (۱۴۴۷ د محرم الحرام ۲۰) د اطلاعاتو او فرهنګ وزارت د خپرونو چارو معینیت اړوند د کتاب ارزونې کمېسیون نوبتي غونډه د خپرونو چارو معین ښاغلي مهاجر فراهي په مشرۍ ترسره شوه.
په دې غونډه کې د یو شمېر کتابونو په اړه پرېکړې وشوې او هغه کتابونه چې د اسلامي او افغاني ارزښتونو سره سم لیکل شوي وو، د چاپ اجازه یې ترلاسه کړه، همدارنګه د ۶۱ بېلابېلو عنوانونو درلودونکي ۱۶۰ ټوکه صادر او وارد شوي کتابونه وارزول شول او ۱۰ ټوکه راجع شوي کتابونه د کمېسیون غړو ته وسپارل شول، ترڅو، په راتلونکې ناسته کې یې راپور وړاندې کړي.
همدارنګه د غونډې په پای کې د دیني کتابونو د یوه لیکوال د اثارو د چاپ په اړه خبرې وشوې او په دې برخه کې د همکارۍ ژمنه هم وشوه.
د یادونې وړ ده، چې د ۵ انګلیسي عنوانونو (د درسي تقویتي کتابونو) په اړه هم پرېکړه وشوه.
۱۴۰۵/۴/۱۵ هـ ش
