کندوز کې د کتاب نندارتون پرانیستل شو

په ټولنه کې د مطالعې د فرهنګ پراختیا او پیاوړتیا په موخه د کندوز ولایت د اطلاعاتو او فرهنګ ریاست له لوري د کتابونو نندارتون پرانیستل شو.
د اطلاعاتو او فرهنګ رئیس وویل: ددغه نندارتون څخه موخې د ځوان نسل ترمنځ د مطالعې دود پیاوړتیا، د کتاب لوستنې دود عامول او له علمي او فرهنګي آثارو سره د خلکو لا زیاتې اړیکې رامنځته کول دي. نوموړي زیاته کړه چې د اطلاعاتو او فرهنګ ریاست به په راتلونکې کې هم د علمي او فرهنګي ودې لپاره ورته پروګرامونو جوړولو ته دوام ورکړي.
دغه راز ګډونوالو د نندارتون له بېلابېلو برخو څخه لیدنه وکړه، د بېلابېلو موضوعاتو کتابونه یې ولوستل او یو شمېر مینه‌والو د خپلې خوښې کتابونه له خصوصي کتاب پلورنځیو څخه وپېرل.

۱۴۴۷/۱۲/۲۱ هـ