خبریالانو او د امارتي ادارو له ویاندویانو سره د همغږۍ ناسته وشوه

د سمنګان اطلاعاتو او کلتور ریاست له لوري خبریالانو او د امارتي ادارو له ویاندویانو سره د همغږۍ ناسته وشوه.
د سمنګان اطلاعاتو او کلتور رییس ټولنه کې د عامه پوهاوي کولو په برخه کې د رسنیو اهمیت ته په اشارې سره وویل: رسنۍ د عامه پوهاوي په ډګر کې د یو مهم قشر په توګه اړ دي، چې خپل پروګرامونه او خپرونې د اسلامي امارت د پالیسۍ سره سم برابرې کړي، ترڅو د لرې پرتو سیمو اوسېدونکي هم د روژې مبارکې میاشتې له فضیلتونو او ګټو څخه خبر شي.
د اطلاعاتو او کلتور رئیس د دغې غونډې جوړېدو د موخو په اړه خبرې وکړې او ویې ویل: د روژې مبارکې میاشتې په رارسېدو سره رسنۍ باید د خپلې نشراتي پالیسۍ په چوکاټ کې داسې پیغامونه او پروګرامونه چمتو او خپاره کړي، چې د دې برکت ناکې میاشتې ارزښتونه او فضیلتونه منعکس کړي او د خلکو د لا زیات پوهاوي لامل وګرځي.
د ناستې په لړ کې د رسنیو مسؤلینو هم خپل نظرونه بیان کړل او ویې ویل: د روژې میاشت لپاره ځانګړي پروګرامونه چمتو شوي، همدارنګه ښاري (بازار کې توکو د نرخونو په اړه) راپورونه هم چمتو شوي دي چې د دې میاشتې په لړ کې به خپاره شي.
دغه غونډه د روژې مبارکې میاشتې په لړ کې د خپرونو ښه انعکاس لپاره د رسنیو او ادارو ترمنځ د لا زیاتې همغږۍ ساتلو په ټینګار سره پای ته ورسېده.

۱۴۴۷/۹/۱ هـ ق