نورستان کې د خیاطۍ له روزنیز کورس څخه لسګونه ځوانان فارغ شول
د نورستان اطلاعاتو او کلتور ریاست اړوند د خیاطۍ درې میاشتني روزنيز کورس څخه لسګونه ځوانان فارغ شول.
مسؤلینو د ځوانانو ظرفیت لوړولو او کارموندنې په برخو کې د مسلکي زده کړو زمینه برابرول مهم وبلل او ویې ویل: دغه ډول روزنیز پروګرامونه د ټولنې د اقتصادي پیاوړتیا او د ځوانانو په ځان بساینې سبب کیږي، هڅه کوو، چې په راتلونکې کې ورته نور پروګرامونه هم جوړ کړو.
مسؤلینو زیاته کړه؛ ځوانان باید د زده کړو ترڅنګ حرفوي مهارتونه هم زده کړي، ترڅو د خپل ژوند د ښه کېدو ترڅنګ د ټولنې په پرمختګ کې اغېزمن رول ولوبوي.
ورته مهال فارغ شویو ځوانانو د یاد پروګرام له جوړولو څخه خوښي څرګنده کړه او ویې ویل: د خیاطۍ له زده کړو وروسته کولای شو، د خپلو کورنیو په اقتصادي پیاوړتیا کې ونډه واخلو، ځوانانو له مسؤلینو څخه وغوښتل چې ورته نور پروګرامونه هم جوړ کړي.
۱۴۴۷/۸/۲۹ هـ ق
