برگزاری نشست کمیتهٔ فرهنگ شهرنشینی در ولایت دایکندی
به رهبری قاری خالد احمد فضلی رییس اطلاعات و فرهنگ ولایت دایکندی نشست کمیتهٔ فرهنگ شهرنشینی با اشتراک اعضای کمیته راه‌اندازی گردید.
قاری خالد احمد فضلی رییس اطلاعات و فرهنگ ضمن خوش‌آمدگویی به اعضای نشست، تطبیق فرهنگ شهرنشینی را در جامعه مهم دانست و افزود: هدف ما و شما ترویج نظم شهری برای شهروندان است و باید تلاش کنیم تا فرهنگ شهرنشینی را غنی سازیم.
در همین حال بعد از تبادل نظر و صحبت درمورد تطبیق فرهنگ شهرنشینی رییس اطلاعات و فرهنگ به تمام اعضای نشست هدایت داد که هر یک از اعضای نشست طرزالعمل مشخص را درمورد فرهنگ شهرنشینی در راستای کاری خویش ترتیب نموده و در نشست آینده شریک سازد.
۱۴۴۷/۶/۲۶ ه ق
