د اله سای ولسوالۍ فعاله ځوانانو سره ناسته وشوه

د کاپیسا ولایت د اطلاعاتو او کلتور رئیس مولوي کریم الله وثیق د اله سای ولسوالۍ یو شمېر فعاله ځوانانو سره په خپل کاري دفتر کې ولیدل او د ټولنې د پرمختګ او ودې په برخه کې یې د دوی فعالتونه وستایل.
ښاغلي وثیق ځوانان د ټولنې د ملا تیر وبلل، د کلتور، ټولنې او د بېلابېلو قومو ترمنځ د ورولۍ روحیې په پیاوړتیا کې يې د دوی هڅې وستایلې او ویې ویل: د ځوانانو له ټولو اسلامي او اخلاقي ارزښتونو سره برابرو فعالیتونو څخه ملاتړ کوو.
د اله سای ولسوالۍ ځوانانو د اطلاعاتو او کلتور ریاست له دوامداره همکاریو څخه مننه وکړه او په فرهنګي، ټولنیزو او ښوونیزو برخو کې د رضاکارانه فعالیتونو د ترسره کولو څرنګوالي په اړه يې خپل نظرونه د اطلاعاتو او کلتور له رئیس سره شریک کړل.
دا په داسې حال کې ده، چې د کاپیسا ولایت د نجراب او کوهبند ولسوالیو کې د ځوانانو چارو آمریت په همغږۍ د یووالي روحیې پیاوړتیا او د ځوانانو د فکري ودې په موخه د رضاکارو ځوانانو کمیټې جوړې شوي دي، چې ډېر ژر به په نورو ولسوالیو کې هم جوړې شي.

۱۴۴۷/۵/۱۰ هـ ق