غزني کې د امارتي ادارو مطبوعاتي مسؤلینو لپاره د ظرفیت لوړونې سیمینار جوړ شو
د غزني ولایت د اطلاعاتو او کلتور ریاست له لوري د یوناما دفتر په همکارۍ د امارتي ادارو مطبوعاتي مسؤلینو لپاره د ظرفیت لوړونې یو ورځنی سیمینار جوړ شو.
د اطلاعاتو او کلتور رئیس ملا حمیدالله نثار د دغه سیمینار په جوړیدو کې د یوناما دفتر پلاوي له همکاریو څخه مننه وکړه او ویې ویل: د ورته روزنیزو سيمينارونو جوړول د مطبوعاتي کارکوونکو د مسلکي او کاري ظرفیت د لوړولو لپاره اغېزمن رول لري.
د ښاغلي نثار په وینا مسؤلینو ته د سیمینارونو جوړول د حکومتولۍ د ښه والي او خلکو ته د لا غوره خدمتونو د وړاندې کولو په برخه کې ګټورتمامېږي.
د یادونې وړ ده، چې د اسلامي امارت له بیا ځلې حاکمیت وروسته د امارتي ادارو د مسؤلینو او کارکوونکو د مسلکي روزلو لړۍ په جدي ډول تر کار لاندې ده.
۱۴۴۷/۴/۲۸ هـ ق
