د اطلاعاتو او کلتور وزارت د انجينرانو مسلکي پلاوی د تاريخي آبداتو د رغولو په موخه کنړ ته تللی دی
د اطلاعاتو او کلتور وزارت د تاريخي آبداتو د ساتنې رياست مسلکي انجينرانو کنړ ولايت ته د حضرت غفران بابا تاريخي مسجد د رغونې په موخه سفر وکړ او د اطلاعاتو او کلتور له رئيس مولوي نجیب الله حنیف سره يې وکتل.
دغه ناسته کې انجینرانو او د یاد مسجد د رغوونې شرکت مسؤل وویل: د کونړ د اطلاعاتو او کلتور د ریاست په غوښتنه د خاص کونړ د حضرت غفران بابا مسجد رغنیزې چارې پیل کوي، چې اتیا سلنه چارې یې د وزارت مقام په مالي مرسته پخوا ترسره شوي او پاتې چارې به یې زر بشپړې شي.
د کونړ د اطلاعاتو او کلتور رئیس مولوي نجیب الله حنیف له پلاوي سره د هر راز همکارۍ ډاډ ورکړ او ويې ويل: د خوښۍ ځای دی، چې د وزارت مقام له لوري د حضرت غفران بابا د مسجد پاتې کارونه هم بشپړېږي.
د یادونې وړ ده، چې د کنړ ولايت د وټه پور ولسوالۍ په زیارت او د ماڼوګي ولسوالۍ د کوزې بارکنډۍ په مسجد کې به هم د بیارغونې کارونه په نږدې راتلونکي کې پيل شي.
۱۴۴۷/۱/۱۳ هـ ق
