د کتاب ارزونې کمېسیون نوبتي غونډه جوړه شوه
دوشنبه (۲۸ د ذوالقعدة الحرام ۱۴۴۶) د اطلاعاتو او کلتور وزارت د خپرونو چارو د معین ښاغلي مهاجر فراهی په مشرۍ د کتاب ارزونې کمېسیون نوبتي غونډه د باختر اطلاعاتي آژانس د رئیس مولوي ضیاءالحق حقمل، د کاپي رایټ د آمر مولوي عبدالحق حماد او د کمېسیون د نورو غړو په شتون کې جوړه شوه.
د غونډې په پيل کې د کمېسیون منشي د تېرې غونډې راپور وړاندې کړ او د کمېسيون رئيس ښاغلي مهاجر فراهی د کمېسیون لاسته راوړنې او فعالیتونه مثبت وارزول.
په غونډه کې د بېلابېلو کتابونو په اړه لازمې پرېکړې وشوې او هغه کتابونه چې د اسلامي او افغاني ارزښتونو سر سم لیکل شوي وو، د چاپ اجازه یې ترلاسه کړه.
د غونډې په پای کې هغه شمېر کتابونه چې کمېسیون ته د ارزونې په موخه رالېږل شوي وو، د ارزونې لپاره د کمېسیون غړو ته وسپارل شول، تر څو راتلونکې غونډې ته يې راپور وړاندې کړي.
۱۴۴۶/۱۱/۲۸ هـ ق
