د هلمند وړيا ښوونيز مرکز کې سلګونه ځوانانو ته د زده کړو زمينه برابره شوه
د هلمند ولايت د اطلاعاتو او کلتور رياست د ځوانانو چارو آمريت اړوند وړيا ښوونيز مرکز کې شاوخوا ۶۶۰ تنو ځوانانو ته د وړيا زده کړو زمينه برابره شوه.
د دغه وړیا ښونیز مرکز شپږمې ښونیزې دورې کې ۶۶۰ تنو زده کوونکو ته په کمپیوټر، انګلیسي او د عربي ژبو برخه کې د زده کړو زمینه برابره شوه.
د هلمند ځوانانو چارو آمر وايي: یاد ښوونیز مرکز کې د کمپیوټر برخې زده کوونکو ته د نظري زده کړو تر څنګ عملي زده کړې هم ورکول کیږي، نوموړي له زده کوونکو وغوښتل چې خپلو درسونو کې کوښښ او له ناسوبتیا ډډه وکړي.
د یاد ښوونیز مرکز دوه تنه زده کوونکو د اطلاعاتو او کلتور ریاست څخه ځوانانو ته د وړیا زده کړو د زمينې برابرولو څخه د مننې تر څنګ غوښتنه وکړه، چې داسې برنامې دې لا زیاتې شي.
د یادونې وړ ده، چي تر دې وړاندې هم له یاد ښوونیز مرکز څخه په پنځو دورو کې نږدې ۱۵۰۰ تنه زده کوونکي د بېلابېلو ښوونيزو برنامو څخه فارغ شوي دي.
۱۴۴۶/۱۱/۷ هـ ق
