يو شمېر رسنيزې سرغړونې او شکايتونه وڅېړل شول
د اطلاعاتو او فرهنګ وزارت د سرپرست او نوماند وزير محمد طاهر زهير په مشرۍ نن د رسنيزو سرغړونو او شکايتونو د څېړنې کمېسيون غونډه وکړه. د باختر اژانس خبريال د خبرله مخې؛ په دې غونډه کې لومړى د کمېسيون د تېرې غونډې د پريکړو په اړه د اجرااتو معلومات وړاندې شول، وروسته د کمېسيون غړو د شپږو رسنيزو شکايتونو په اړوند چې يوشمېر دولتي او خصوصي بنسټونو ثبت کړي وو، خبرې وشوې. دغه راز د شکايتونو له څېړنې وروسته د هر شکايت په اړه د رسنيزو سرغړونو او شکايتونو د څېړنې کمېسيون د صلاحيتونو او طرزالعمل له مخې لازمې پريکړې وشوې. د غونډې په پاى کې د اطلاعاتو او فرهنګ وزارت سرپرست د کمېسيون د کاري بهير په ګړندي کولو کې پز زياتې پاملرنې ټينګار وکړ.
کابل / د لړم ١٢مه / باختر
