نخستین نشست کمیتهٔ اطلاعات و آگاهی عامه مهاجرین در نیمروز برگزار گردید! 

نخستین نشست کمیتهٔ اطلاعات و آگاهی عامه مهاجرین به رهبری الحاج مفتی حبيب‌الله الهام رئیس اطلاعات و فرهنگ نیمروز که اعضای کمیته نیز حضور داشتند در تالار ریاست اطلاعات و فرهنگ نیمروز برگزار شد.
نشست با تلاوت آیات قرآن عظیم الشان آغاز شد، سپس الحاج مفتی حبيب‌الله الهام رئیس کمیتهٔ اطلاعات و آگاهی عامه مهاجرین در مورد کمیته مرکزی مهاجرین و کمیته های فعال مهاجرین این ولایت سخن گفت.
از سوی رئیس و اعضای کمیتهٔ اطلاعات و آگاهی عامه مهاجرین در نشست نخست پیرامون روند کار، آغاز فعالیت و هماهنگی بحث نمودند. همچنان با کمیته های دیگر، رسانه ها، مسؤلان نشراتی و خبرنگاران هماهنگی صورت گرفت.

۱۴۴۵/۴/۲۷ هـ ق
۱۴۰۲/۸/۲۰ هـ ش