د ښوونیز مرکز د ژمني پروګرام ۴۲ تنه مخکښ زدهکوونکي وستایل شول
چهارشنبه (۱۳ د رجبالمرجب ۱۴۴۵) د اطلاعاتو او کلتور رياست له لوري د ياد رياست اړوند د ښوونيز مرکز د ژمني پروګرام ۴۲ تنه مخکښ زدهکوونکي وستايل شول.
هغه مراسم، چې په همدې موخه نیول شوي وو، پکې د اطلاعاتو او کلتور رئیس رفیعالله صمیم سربېره، د اطلاعاتو آمر حمیدالله صدیقي، د ځوانانو چارو آمر محمد جواد، د ښوونیز مرکز استادانو او ګڼ شمېر زده.کوونکو ګډون کړی و.
د اطلاعاتو او کلتور رئیس رفیعالله صمیم وویل: که غواړئ، چې راتلونکی مو روښانه وي، له ښوونیزو پرګرامونو څخه پوره ګټه واخلئ، پرځان باور ولرئ، ځکه همدا تاسې د سبا ورځې عالمان یاست او د هېواد راتلونکی ستاسو په لاس کې دی.
ښاغلي صمیم د ښوونیز مرکز د استادانو له هڅو څخه د مننې ترڅنګ زیاته کړه؛ چې سر له سبا (د سلواغې له پنځمې) به د لوګر د مرکز په ګډون ټولو ولسوالیو کې د سیرتالنبي(ص) د یوې بلې سترې سیالۍ د آزموینې لپاره نوم لیکنه پیل شي.
د یادونې وړ ده، چې اوس مهال د اطلاعاتو او کلتور ریاست ښوونیز مرکز د انګلسي ژبې، کمپیوټر او خطاطۍ برخو کې څه باندې ۵۰۰ تنه زدهکوونکو ته د درسونو لړۍ په ښه توګه روانه ده.
