د هلمند د ځوانانو ښوونیز مرکز زده کوونکو ته د عامه کتابتون په اړه معلومات ورکول شول
تېره ورځ د هلمند ښوونیز مرکز زده کوونکو ته د دې ولایت د اطلاعاتو او کلتور ریاست اړوند عامه کتابتون په اړه د یوې غونډې په ترڅ کي معلومات ورکول سوه.
په پیل کي د عامه کتابتون مسؤل محسن عمري له راغلو زده کوونکو څخه مننه وکړه چي د خپلو علمي معلوماتو د غني کولو په ترڅ کې یې نن ورځ د هلمند عامه کتابتون ته ځانګړې کړې وه.
نوموړي زیاته کړه؛ د هلمند عامه کتابتون د زده کوونکو، محصلانو، طالب العلمانو دعلم او پوهې مینوالو ته د زده کړې لپاره ځانګړې برنامې لري او د علمي معلوماتو د حاصلولو لپاره يې ښه زمینه برابره کړې ده، چې باید ورڅخه پوره استفاده وکړل شي.
د یاد ښوونیز مرکز استاد نور احمد احمدي زده کوونکي عامه کتابتون ته د راتګ لپاره وهڅول تر څو ورڅخه معلومات ترلاسه او خپله پوهه زیاته کړي.
۱۴۴۵/۶/۱۵ هـ ق
۱۴۰۲/۱۰/۸ ھ ش
