د بادغیس د اطلاعاتو او کلتور له رئيس سره يو شمېر شاعرانو وکتل
د بادغيس ولایت يو شمېر شاعرانو او ليکوالانو په داسې حال کې چې د دغه ولایت د علماوو شورا غړي مولانا غلام محمد "موحدي" یې هم ملتیا کوله، د دغه ولایت د اطلاعاتو او کلتور له رئیس اخندزاده مطيع الله متقي سره په خپل کاري دفتر کې وکتل.
په یاده کتنه کې شاعرانو خوښي څرګنده کړه چې د ا.ا.ا. په بریا سره د ادبي پروګرامونو زمینه ورته برابره شوې ده او په کلتوري برخه کې یې د لا زیاتو همکاریو غوښتنه وکړه.
ورپسې ښاغلي متقي د کلتوري او ادبي فعالیتونو په برخه کې له شاعرانو خپل ملاتړ څرګند کړ او د دوی ستاینه یې وکړه او زیاته یې کړه، د شاعرانو ژبه د ملت ژبه ده.
۱۴۴۵/۵/۶ هـ ق
۱۴۰۲/۸/۲۹ هـ ش
