د اطلاعاتو او کلتور ریاست کلتوري پلاوي د جغتو ولسوالۍ له تاریخي او سیاحتي سیمو لیدنه وکړه
تېره ورځ د میدان وردګو ولایت د اطلاعاتو او کلتور رئیس مولوي حبیب الله مجاهد په سپارښتنه کلتوري پلاوي د دغه ولایت جغتو ولسوالۍ ته د تاریخي آبدو او سیاحتي سیمو څخه د نظارت په موخه سفر وکړ.
دغه پلاوي چې مشري یې د کلتور او ګرځندوی آمر ښاغلي شفیق الله فضلي کوله د اړونده ولسوالۍ له سلطان بند سیاحتي سیمې، چهل ګزي زیارت او ګږې بیبي تیږې او غازي محمد جان خان وردګ له کور څخه لیدنه وکړه.
سلطان بند د سیاحت لپاره غوره سیمه ده او ګڼ شمېر سیاحین د کال په اوږدو کې ترې لیدنه کوي، خو په دې وروستیو کې له اوبو خالي، دېوال یې چاکونه کړي او په تقریبي ډول له خړو او خاورو ډک شوی.
په دې اړه د اطلاعاتو او کلتور رئیس مولوي حبیب الله مجاهد وایي: سلطان بند چې په لومړي ځل د سلطان محمود غزنوي په زمانه کې سلګونه کاله مخکې جوړ شوې د سیاحینو لپاره یوه غوره سیمه بلل کېږي.
ښاغلی مجاهد زیاتوي: د اطلاعاتو او کلتور وزارت د دغه شان سیاحتي سیمو د رغولو لپاره ځانګړی پلان لري او د میدان وردګ ولایت له بډایه خلکو غواړي چې په دغه سیمه کې پانګونه وکړي.
۱۴۴۵/۴/۲۳ هـ ق
۱۴۰۲/۸/۱۶ هـ ش
