دکورنيو چارو وزير د رسنيو له مسؤلينو او اسلام پاله مبارزينو سره وکتل
دکورنيو چارو وزير د رسنيو له مسؤلينو او اسلامپال مبارزينو سره وکتل
د ا.ا.ا. د کورنيو چارو سرپرست وزير محترم خليفه سراج الدين حقاني روزګان ولايت ته د خپل سفر په ترڅ کې د اطلاعاتو او کلتور له رئيس، د رسنيو له مسؤلينو او اسلامپال مبارزينو سره وکتل.
په پیل کې د یاد ولايت د اطلاعاتو او کلتور رئيس قاري آغاولي قريشي خبرې وکړې او په رسنيزه برخه کې یې ډاډ ور کړ، چې ټول فعالیتونه یې د اسلامي او ملي ارزښتونو سره سم دي.
ښاغلي قريشي د کورنيو چارو محترم وزير ته ډاډ ورکړی چې په دغه ولايت کې د اطلاعاتو او کلتور رياست په اجتماعي پروګرامونو او نورو اړونده برخو کې ښې لاسته راوړنې لري او په راتلونکي کې به په رسنیزه برخه کې زياتې هڅې وکړي.
ورپسې د کورنيو چارو محترم وزير د نوموړي لاسته راوړنې او پرمختګونه وستایل او په دغه ولایت کې یې د رسنيو د مسؤلينو، اسلامپال مبارزينو او دولتي مسؤلينو ترمنځ د لا ښې همغږۍ غوښتنه وکړه او زیاته یې کړه چې اوس په هېواد کې بشپړ امنیت راغلی، باید د هېواد د آبادۍ لپاره کار وشي.
۱۴۴۵/۲/۴ هـ ق
۱۴۰۲/۵/۳۰ هـ ش
