د کتابخانو د ودانۍ د ښې ساتنې په موخه یو ورځنی ورکشاپ جوړ شو
نن (۱۴۴۵/۱/۲ هـ ق) د ننګرهار ولایت د اطلاعاتو او کلتور ریاست په ښوونیز مرکز کې د شانتي رضاکارې ټولنې له لوري د کتابخانو د لا ښه نظم او د کتابخانو د ودانۍ د ښې ساتنې په موخه یو ورځنۍ ورکشاپ جوړ شو.
د ورکشاپ یو تن استاد انجینر عنایت الله وایي، د دې ورکشاپ جوړولو څخه موخه د اطلاعاتو او کلتور ریاست سره په همغږۍ په کتابخانو کې د نظم لا ښه والي او د کتابخانو د ودانیو ښې ساتنې او د تخریب مخنیوی دی.
نوموړي زیاته کړه، د شانتي رضاکاره اداره د ننګرهار ولایت مرکز او ۲۲ ولسولیو کې ۱۷۰ کتابتونونه لري.
د ورکشاپ په وروستۍ برخه کې د ننګرهار اطلاعاتو او کلتور ریاست استازي دا شان ورکشاپونه د کتابخانو لپاره کټور وبلل او له ګډونوالو یې غوښتنه وکړه، چې کوښښ وکړي، د دې ورکشاپ سپارښتنې دې په خپلو کتابخانو کې عملي کړي.
