د بادغیس والي د یو شمېر ځوانانو سره وکتل
تيره ورځ د بادغیس ولایت والي الحاج مولوي عبدالصمد جاوید د اطلاعاتو او کلتور ریاست کې له یو شمېر ځوانانو سره وکتل.
په یاده غونډه کې د یاد ولایت د اطلاعاتو او کلتور ریاست رئیس اخندزاده مطیع الله متقی او یو شمېر نورو اداري مسؤلینو حضور درلود.
غونډه د قران عظیم الشان د مبارکو ایاتونو په تلاوت سره پیل شوه، ورپسې د یاد ولایت والي خبرې وکړې او ویې ویل، ځوانان د هېواد راتلونکی نسل دی دوی کولای شي د مسلکي پوهې د کچې په لوړولو سره د خپل هېواد په ابادۍ او پرمختګ کې ارزښتناکه ونډه واخلي.
ښاغلي والي زیاته کړه، تاسو د ازادۍ ستر نعمت د بریا لوړو پوړیو ته رسوي، اوس له تاسو هیله لرم چې په خپله فکري مبارزه کې د ازادۍ ساتنه وکړئ.
۱۴۴۴/۱۲/۲۴ هـ ق
۱۴.۲/۴/۲۱ هـ ش
