ننګرهار اطلاعاتو او کلتور ریاست کې رنګین ماښام مشاعره ترسره شوه
تېره ماښام د ننګرهار ولایت په اطلاعاتو او کلتور ریاست کې د رنګین ماښام تر سرلیک لاندې مشاعره او ادبي او کلتوري محفل د ګڼ شمېر شاعرانو، لیکوالو او د شعر او ادب مینه والو په شتون کې ترسره شوه، چې د جلال آباد ښار اوسېدونکیو سربېره د یو شمېر دولتي ادارو مسؤلینو او د رسنیو استازیو هم پکې ګډون کړی و.
یاده مشاعره د قرآن عظیم الشان د څو مبارکو آيتونو په تلاوت سره پیل شوه، ورپسې د اطلاعاتو او کلتور رئیس مولوي نور محمد حنیف د امیرالمؤمنین حفظه الله رالېږلی پیغام د محفل ګډونوالو ته واورولو، چې پکې د ټولو هېوادوالو يووالي او ورورولۍ غوښتنې ترڅنګ هېوادوالو ته سپارښتنې شوې، چې د هېواد په بیا ابادولو او بیارغولو کې فعاله ونډه واخلئ.
د پروګرام په دوهمه برخه کې د ګڼو شاعرانو له لوري د رنګین ماښام ادبي محفل ته لیکل شوي شعرونه د پروګرام مینه والو ته په ښکلي انداز کې زمزمه شول، چې پکې د هېواد د ابادۍ، د افغانانو د وحدت او ورورولۍ او د نظام د پیاوړتیا پیغامونه ځای پرځای شوي وو.
۱۴۴۴/۱۲/۲ هـ ق
۱۴۰۲/۳/۳۰ هـ ش
