باميانو کې د غوره کتاب او غوره ليکوال د پيژندنې علمي کميټې غونډه جوړه شوه
تیره ورځ د باميانو ولايت د اطلاعاتو او کلتور رياست کې د غوره کتاب او غوره ليکوال پيژندنې علمي کميټې غونډه جوړه شوه.
یاده غونډه د اطلاعاتو او کلتور رياست د رئيس مولوي سيف الرحمن محمدي په مشرۍ او د کميټې د نورو غړو په ګډون په باميآن ولايت کې د غوره کتاب او غوره ليکوال د پيژندنې په موخه د يوې طرحې جوړولو په موخه رابلل شوې وه.
د غوره کتاب او غوره ليکوال لړۍ د اطلاعاتو او کلتور وزارت اړوند د بیهقي کتاب خپرولو رياست طرحه ده، چې د هيواد ټولو ولايتونو کې د اطلاعات او کلتور رياستونو له لوري د هر ولايت غوره کتابونه او غوره ليکوالان په نښه کيږي، چې غوره کتاب ته جايزه ورکول کيږي او د غوره ليکوالانو هغه شمير کتابونه چې د يادې طرحې په شرايطو برابر وي چاپ کيږي.
د کميټې غړو د اطلاعاتو او کلتور وزارت له دې اقدام څخه هر کلی وکړ، او د غوره کتاب او غوره ليکوال د پيژندلو په موخه يې په يوه مناسبه طرحه کار وکړ، تر څو دباميانو ولايت اړوندو ليکوالو غوره کتابونه او غوره ليکوالان په نښه کړي.
۱۴۴۴/۱۰/۱۹ ه ق
۱۴۰۲/۲/۱۹ ه ش
