د بريا ښوونيز مرکز سره مطالعې ته د هڅونې په پار د همغږۍ غونډه وشوه
تیره ورځ د هلمند د اطلاعاتو او کلتور رياست کې د کلتور او ګرځندوی آمريت او د بريا ښوونيز مرکز ترمنځ مطالعې ته د هڅونې په پار د همغږۍ غونډه وشوه، چې پکط د ياد رياست مسؤلينو او د بريا ښوونيز مرکز استادانو ګډون درلود.
غونډه د قران کريم د مبارکو اياتونو په تلاوت سره پيل شوه، ورپسې د اطلاعاتو او کلتور ریاست مسؤلينو د بريا ښوونيز مرکز مسؤلينو او استادانو ته ښه راغلاست وويل او د یاد ښوونيز مرکز له مسؤ لينو څخه يې وغوښتل چې خپل استادان او زده کوونکي د اطلاعاتو او کلتور رياست اړوند کتابخانو ته د مطالعې کولو په موخه تشويق کړي او د اطلاعاتو او کلتور رياست د غونډو د تالار يادونه يې وکړه چې له دې وروسته دې خپلې غونډې په همدې تالار کې جوړې کړي، همدا راز يې د کتاب چاپ د حق محفوظ کېدو، د سمینارونو جوړولو او په ښوونیز مرکز کي د تدریس مېتود او طریقې د بیانولو په اړه مفصل معلومات ورکړل.
د بریا ښوونیز مرکز مسؤلینو د اطلاعاتو او کلتور رياست څخه مننه وکړه، چې دوی ته یې د همغږۍ په پار بلنه ورکړه هغوی دا ډول غونډي ارزښتمنې وبللې، همدا راز يې خپلې ستونزې او مشکلات شريک کړل، چې د مسؤلينو له لوري يې د حل ډاډ ورکړل شو.
یاده غونډه په اختتامیه دعا پای ته ورسیده.
۱۴۴۴/۹/۱۳ هـ ق
۱۴۰۲/۱/۱۵ هـ ش
