د کتاب ارزونې کمېسیون نوبتي غونډه وشوه
دوشنبه ( د ۱۴۴۷ د شعبان ۱۴مه) د اطلاعاتو او کلتور وزارت د خپرونو چارو معینیت اړوند د کتاب ارزونې کمېسیون نوبتي غونډه د دې کمېسیون د مرستیال مولوي ضیاءالحق حقمل په مشرۍ وشوه.
د غونډې په پيل کې د کمېسیون منشي د تېرې غونډې راپور وړاندې کړ او د کمېسيون لاسته راوړنې او فعالیتونه مثبت وارزول شول، په دې غونډه کې د یو شمېر کتابونو په اړه پرېکړې وشوې، هغه کتابونه چې د اسلامي او افغاني ارزښتونو سره سم لیکل شوي وو، د چاپ اجازه یې ترلاسه کړه، همدارنګه د ۳۲۰ټوکو صادره او وارد شویو کتابونو په اړه لازمې پرېکړې وشوې.
د یادونې وړ ده، چې د غونډې په پای کې ۲۵ ټوکه هغه کتابونه چې کمېسیون ته د ارزونې په موخه رالېږل شوي وو، د ارزونې لپاره د کمېسیون غړو ته وسپارل شول، تر څو راتلونکې غونډې ته يې راپور وړاندې کړي، همدارنګه د امیري خپرندویې له مسوول او د احدي یوټیوب چینل له مسوول سره د هغوی د ستونزو په اړه بحث او اړینې پریکړې وشوې.
۱۴۰۴/۱۱/۱۳ هـ ل
