یو شمېر خبریالانو ته (د فکري اصلاح او ظرفیت لوړونې) روزنیز سیمینار وړاندې شو
د لغمان ولایت د اطلاعاتو او کلتور ریاست په همغږۍ د الصارم فکري او فرهنګي ادارې له لوري د دغه ولایت د بېلابېلو رسنیو ۲۰ تنو خبریالانو ته د فکري اصلاح او ظرفیت لوړونې په موخه یو ورځنی روزنیز سیمینار وړاندې شو.
د اطلاعاتو او کلتور رئیس مولوي عبدالنور رسولي وویل، د اطلاعاتو او کلتور ریاست د خبریالانو ظرفیت لوړونې ته ژمن دی او په همدې موخه یې د یو شمېر ادارو په همکارۍ په بېلابېلو وختونو کې روزنیز پروګرامونه جوړ کړي دي، ښاغلي رسولي زیاته کړه، چې یاد سیمینار کې مهم موضوعات وړاندې شول او هیله ده چې ټول ګډونوال د دندو پر مهال ترې ګټه واخلي.
د سیمینار د وړاندې کوونکو له لوري د اسلامي صحافت، د اسلامي او کفري نړۍ د خبریالانو او ژورنالیستیکي کړنو توپیر، موخو او یو شمېر نورو اړینو موضوعاتو په اړه معلومات وړاندې شول.
۱۴۴۷/۴/۲۰ هـ ق
