کاپیسا کې د سیرت النبي(ص) سیالۍ مخکښ ګډونوال وستایل شول
د کاپیسا ولایت د اطلاعاتو او کلتور ریاست اړوند د ځوانانو چارو آمریت له لوري د تنویر فکري او فرهنګي ادارې په همکارۍ د غازي میر مسجدي خان د لېسې په انګړ کې په جوړه شوې غونډې کې چې د ځايي حکومتي ادارو یو شمېر مسؤلینو شتون درلود، د سیرت النبي(ص) سیالۍ مخکښ ګډونوال وستایل شول.
د اطلاعاتو او کلتور ریاست مسؤلین وايي، ۵۵۰ تنو زده کوونکو په دې سیالۍ کې ګډون کړی و او مسؤلینو د سیالۍ له ګډونوالو څخه وغوښتل چې له وخت څخه سالمه استفاده وکړي.
د یادونې وړ ده، د سیالۍ لومړي مقام ګټونکي ته یو پایه لپ ټاپ کمپیوټر، دویم او درېیم مقام ګټونکي ته یو یو ځیرک تیلفون د ډالۍ په توګه ورکول شول.
۱۴۴۷/۳/۲۳ هـ ق
