فراه کې د رسنيو د مسؤلينو ترمنځ د همغږۍ ناسته وشوه
د فراه ولایت په اطلاعاتو او کلتور رياست کې د ملي راډیو ټلویزیون، باختر اطلاعاتي آژانس، سيستان جريدې او فراه پوهنتون علمي مجلې د مسؤلينو ترمنځ د عاليقدر اميرالمؤمنين حفظه الله د ۱۷ مې ګڼې فرمان (خيښۍ، ودونو، مصيبتونو، د حج او عمرې څخه د راستنيدو پر مهال د ناسمو رواجونو د مخنيوي) په اړه د همغږۍ ناسته ترسره شوه.
یاده ناسته کې د مسؤلینو له لوري د رسنيو له لارې د عامه پوهاوي، ادبي او فرهنګي پروګرامونو په جوړولو او خپرولو هر اړخيزې خبرې وشوې.
د یادونې وړ ده، چې د فراه په اطلاعاتو او کلتور رياست کې تر دې وړاندې هم د ناوړه رواجونو د مخنيوي په موخه د علمای کرامو، قومي مخورو او ځوانانو سره ګډې ناستې ترسره شوي دي.
۱۴۴۷/۳/۱۴ هـ ق
