د خپلواکۍ څلورمه کلیزه په پوره جوش او ولولو سره د شاندارو مراسمو په ترڅ کې ونمانځل شوه
په ټول هېواد کې د اسلامي امارت د مشرانو، دیني عالمانو، مجاهدینو، قومي مخورو او ولسونو له لوري د خپلواکۍ څلورمه کلیزه (د زمري ۲۴مه) د فتحې ورځ په پوره جوش او ولولو سره د شاندارو مراسمو په ترڅ کې ونمانځل شوه.
د ۱۴۰۰ لمریز کال زمري ۲۴ مه نېټه د افغانستان اسلامي امارت د غیرتي ولس په مرسته د بې ساري قربانیو په ورکولو سره امریکایانو او متحدینو ته یې په سیاسي او نظامي برخو کې ماتې ورکړه او اسلامي نظام یې یو ځل بیا په هېواد کې قایم کړ، چې دا ورځ (دزمري ۲۴ مه) په تاریخ کې د ویاړمنې ورځې په نوم ونومول شوه.
د اسلامي نظام په بیا ځلې حاکمیت سره د هېواد په ګوټ ګوټ کې ډاډمن امنیت تامین شوی او د ټولنې ټول قشرونه یې تر سیوري لاندې په خوندي ډول ژوند تیروي، په تیرو څلورو کلونو کې اسلامي امارت په سیاسي، کلتوري، اقتصادي، نظامي او ټولنیزو برخو کې سترې لاسته راوړنې لري.
د فتحې د څلورمې کليزې د نمانځنې په مراسمو کې ولسونو په جوش او ولولو سره يو او بل ته مبارکۍ ورکړې او دا ورځ د افغانستان په تاريخ کې له وياړه ډکه ورځ وبلله.
۱۴۴۷/۲/۲۲ هـ ق
