د تیرو دریو میاشتو په ترڅ کې ۲۰ امارتي او خصوصي ښوونیزو مرکزونو زده کوونکو ته د مطالعې د ارزښت په اړه معلوماتي سیمینارونه جوړ شوي دي
د خوست ولایت د اطلاعاتو او کلتور ریاست مسؤلین وایي، چې د روان ۱۴۰۴ لمریز کال په تیرو دریو میاشتو کې یې د یادو سیمینارونو جوړولو ترڅنګ د رسنیو په مرسته د مطالعې دود غښتلي کولو او د ځوانانو مطالعې لور ته هڅولو په موخه د کتاب او کتاب لوستلو په اړه معلومات هم خپاره کړي دي.
مسؤلینو زیاته کړه، چې په یاده موده کې ۳۵ ټوکه سیاسي، ادبي، تاریخي او نور بېلابېل کتابونه او رسمي مجلي د فرهنګپالو او د مطالعې مینوالو له لوري عامه کتابتون ته ډالۍ شوي دي.
د یادولو وړ ده، چې د دريو مياشتو په ترڅ کې د خوست عامه کتابتون ته نږدې ۱۰۰۰ تنو استادانو، زده کړیالانو، طالب العلمانو، زده کوونکو او ځوانانو د کتابونو مطالعې کولو په موخه مراجعه کړې ده.
۱۴۴۷/۱/۱۱ ه.ق
