نجراب ولسوالۍ له عامه کتابتون څخه لیدنه ترسره شوه
د کاپیسا ولایت د اطلاعاتو او کلتور ریاست مسؤولین وایي؛ چې د یو شمېر زده کړیالانو، زده کوونکو او ځوانانو د دې ولایت د نجراب ولسوالۍ له عامه کتابتون څخه لیدنه وکړه.
هغوی زیاته کړه، چې دغه کتابتون یې ولسونو ته د مطالعې په برخه کې د اسانتیا برابرولو په موخه فعاله ساتلی دی او د دغه علمي او فرهنګي مرکز دروازې د رسمي وختونو په ترڅ کې د ټولو خلکو پرمخ پرانیستې وي.
ورته وخت کې یو شمېر ځوانانو مطالعه او کتاب لوستنه د ټولنې د پرمختګ په برخه کې ګټوره وبلله او پر نورو ولسونو یې هم غږ وکړ؛ چې د ټولنې پرمختګ او ستونزو حل په موخه د ورځنیو چارو په ترڅ کې مطالعې ته هم وخت ورکړي.
۱۴۴/۱۱/۱۹ هـ. ق
