فاریاب کې د رسنیو له مسؤلينو سره د همږغۍ ناسته وشوه
فاریاب ولايت کې د اطلاعاتو او کلتور ریاست له لوري د دولتي او خصوصي رسنیو له مسؤلينو سره د همږغۍ ناسته وشوه، چې موخه یې د دولتي ادارو او رسنیو ترمنځ د اړیکو پیاوړتیا او د اطلاع رسونې په برخه کې د شته ستونزو حل کول وو.
د اطلاعاتو او کلتور رئيس مولوي شمسالدین محمدي په خپلو خبرو کې خبریالان او د رسنیو مسؤلين د ملت ژبه او د خلکو او حکومت ترمنځ د اړیکو پُل وبلل.
نوموړي د تېرو یو کال په ترڅ کې د شفافې اطلاع رسونې په برخه کې د رسنیو هڅې وستایلې او د خلکو ستونزو او د دولت پرمختګونو ته د انعکاس ورکولو په برخه کې یې د رسنیو رول ارزښتناک وباله.
همدا راز د اطلاعاتو آمر د اطلاع رسونې په برخه کې د ځینو شته ستونزو یادونه وکړه او له سیمه ییزو رسنیو یې وغوښتل، چې د خپرونو پر مهال نشراتي پالیسي رعایت کړي، د فعالیت جوازونه تمدید کړي او یادې ستونزې له منځه یوسي.
۱۴۴۶/۱۰/۱۵ ق
