په بدخشان کې د امام ابو حنیفه (رح) د شخصیت په اړه علمي سمینار جوړ شو
د بدخشان ولايت د اطلاعاتو او کلتور رياست له لوري د مسؤلينو، ليکوالانو، محصلينو او ځوانانو په شتون کې د امام ابوحنيفه (رح) دشخصيت په باب علمي سمينار جوړ کړ.
د اطلاعاتو او کلتور رئيس انجنير ذبيح الله اميري د دغه شان غونډو په ترسره کولو ټينګار وکړ او له سترو اسلامي شخصيتونو سره يې د ځوان نسل د اشنايۍ په لاره کې يو مثبت ګام وباله او ويې ويل: دا ډول پروګرامونه د ځوانانو تر منځ د ديني او کلتوري هويت په پياوړتيا کې مرسته کوي او اغېزمن تمامېږي.
د ځوانانو چارو آمر عطاء الله اديب د اطلاعاتو او کلتور رياست ښوونيزو او فرهنګي پروګرامونو ته اشاره وکړه او ويې ويل: د هېواد د راتلونکي نسل د روزلو په موخه به د پروګرامونو دغه لړۍ دوام ومومي.
د سمينار برخه والو د بدخشان ولايت د اطلاعاتو او کلتور له رياست څخه د دغه ډول پروګرامونو د ترسره کولو له امله مننه وکړه او د نورو پروګرامونو د جوړولو غوښتنه يې وکړه.
۱۴۴۶/۵/۷ هـ ق
۱۴۰۳/۸/۱۹ هـ ل
