بادغیس کې ادبي مشاعره ترسره شوه
د بادغيس ولايت د اطلاعاتو او کلتور رياست له لوري په بالامرغاب ولسوالۍ کې د لسګونه تنو شاعرانو، ليکوالانو او فرهنګيانو په ګډون ادبي مشاعره ترسره شوه.
د اطلاعاتو او کلتور رياست رئيس اخندزاده مطيع الله متقي وايي: دا ډول ادبي ناستې او مشاعرې جوړول له شاعرانو او اديبانو د ملاتړ او د دوی ترمنځ د يووالي په موخه ترسره کيږي.
همدا رازد بالامرغاب ولسوالۍ يو شمېر شاعرانو او ليکوالانو دا ډول ناستې د خلکو د کلتوري ودې په برخه کې ګټورې وبللې، دوی له اطلاعاتو او کلتور رياست څخه وغوښتل، چې د خلکو په کلتوري بډاينې کې نورې هم هڅې وکړي او ورته ناستې او مشاعرې جوړې کړي.
پای کې شاعرانو او ليکوالانو خپلې ليکنې او شعرونه ګډونوالو ته واورول.
۱۴۴۶/۲/۳۰ هـ ق
۱۴۰۳/۶/۱۳ هـ ل
