د فریلانسینګ پروګرام له پاره له ۲۰۰ تنو څخه ازموينه واخيستل شوه
پنجشنبه ( ۲۱ ذوالقعده ۱۴۴۵ ) د کندهار ولايت د اطلاعاتو او فرهنګ ریاست د ځوانانو چارو آمر قاري حمدالله سعید وویل، چي د (YHDO) مؤسسې او د ځوانانو چارو معینيت په ھمکارۍ په کندهار کې له ۲۰۰ تنو ځوانانو څخه د فریلانسینګ (آنلاین تجارت) پروګرام له پاره ازموینه واخیستل شوه، چې له دې کسانو څخه به ۱۰۰ کسان په ياده برخه کې د زده کړو لپاره غوره کیږي.
د ښاغلي سعيد په وينا؛ د ازمویني پروسه ډیره شفافه وه، د سلو بریالیو کسانو انتخاب هم په ډېر دقیق ډول ترسره شوی دی.
د يادونې وړ ده، چې په کندهار کې له دې وړاندي هم د ځوانانو څخه د فریلانسینګ پروګرام له پاره ازموینه اخیستل شوې وه او ځيني بریالي کسان مرکز کابل ته د زده کړو له پاره استول شوي دي.
۱۴۰۳/۳/۱۰ هـ ل
۲۰۲۴/۵/۳۰ میلادي
