د غزني له ښوونيز مرکز څخه سلګونه تنه فارغ شوي دي
چهارشنبه (۲۱ د شوال المکرم ۱۴۴۵) د غزني ولايت د اطلاعاتو او فرهنګ رياست د مسؤلينو په وينا؛ د وړيا ښوونيز مرکز څخه شاوخوا (۱۶۰۰) تنه د ديني تعليماتو، کمپيوټر او انګليسي ژبې له زده کړو څخه فارغ شوي دي.
د غزني د اطلاعاتو او فرهنګ رئيس ملا حميدالله نثار وويل: د اسلامي امارت له حاکميت څخه وروسته تر دې مهاله د ځوانانو چارو آمريت ښوونيز مرکز ځوانانو ته د وړيا او باکیفیته زده کړو زمينه برابره کړې چې په ترڅ کې يې ( ۱۶۰۰ ) تنه ځوانان له ياد مرکز څخه فارغ شوي دي.
ښاغلي نثار زياته کړه؛ ددې مرکز له اتمې ښوونيزې دورې څخه هم ( ۷۰ ) تنه ځوانان د کمپيوټر له برخې څخه فارغ شول.
۲۰۲۴/۴/۳۰ میلادي
۱۴۰۳/۲/۱۱ هـ ل
