د هرات د اطلاعاتو او کلتور رئیس د جامي پوهنتون له مسوولینو سره وکتل
سه شنبه (۹ رمضان المبارک ۱۴۴۵) د هرات د اطلاعاتو او کلتور رئیس مولوي احمد الله متقي د جامي پوهنتون له مسوولینو سره د لیدنې پر مهال وویل: د ټولنې په پرمختګ کې د ځوانانو زده کړې او تحصیل زیات رول لري.
د اطلاعاتو او کلتور رئیس په ښوونیزو مرکزونو کې د زده کړو پر کیفیت او کمیت باندې ټینګار وکړ او زياته يې کړه؛ تحصیلي مرکزونه د ټولنې غوښتنه ده او کله چې د زده کړو سطحه لوړه وي، نو د خلکو کلتور هم قوي وي، همدارنګه له تیارو او ناپوهۍ څخه د را ایستلو یوازینۍ لاره زده کړې دي.
ښاغلي متقي د جامي خصوصي پوهنتون له مسوولینو وغوښتل چې د فیسونو په را کمولو کې کې له ځوانانو سره مرسته وکړي.
د جامي پوهنتون استازي ځوانانو ته د ۶۰ وړيا بورسونو د ورکولو خبر ورکړ او ویې ویل: دغه پوهنتون د ځوانانو لپاره د تحصیلي خدمتونو په برخه کې ډېر کار کړی دی.
