کندهار کي د ناکودک لرغونې غونډۍ د ثبت او سجل چارې ترسره شوې
سه شنبه (۳ د شعبان ۱۴۴۵ ) د کندهار د اطلاعاتو او کلتور ریاست د هنر او کلتور آمريت له لوري د ناکودک لرغونې غونډۍ د ثبت او سجل چارې ترسره شوې.
د کندهار د اطلاعاتو او کلتور ریاست اړوند د هنر او کلتور آمر عبدالشکور څپاند وویل: د ډنډ ولسوالۍ اړوند د ناکودک تاریخي غونډۍ د ثبت او راجستر چارې ترسره شوې، یاده لرغونې غونډۍ د کندهار ښار سویل لويدیځ طرف ته په ۱۹ کیلو مترۍ کې موقعیت لري، په دې لرغونې سیمه کې د موجوده لوښو د ټوټو څخه اټکل کیږي، چي یاده ساحه د اسلام څخه وړاندي دورو پورې تړاو لري.
