د زابل عامه کتابتون ته ۳۹۸ ټوکه نوي کتابونه راوړل شوي
د زابل د اطلاعاتو او کلتور ریاست اړوند عامه کتابتون لپاره د ياد کتابتون د مدیر ملا ضیاءالحق ضیاء په هڅو د اطلاعاتو او کلتور وزارت اړوند د عامه کتابتونونو له رياست څخه ۳۹۸ ټوکه د بېلابېلو برخو کتابونه راوړل شوي، چې د مطالعه کوونکو خدمت ته وړاندې شول.
د اطلاعاتو او کلتور رئیس مولوي رحمتالله حماد د عامه کتابتون د غني کولو په برخه کې د کتابتون د مدیر هڅې وستایلې او ژمنه یې وکړه، چې د زابل عامه کتابتون د غني کولو په برخه کې به هڅې نورې هم ګړندۍ کوي.
له مرکز کابل څخه نويو راوړل شويو کتابونو کې اسلامي، فکري، ټولنیز، ادبي، مسلکي او د زدهکړهییزو برخو کتابونه شامل دي چې د زابل د مطالعه کوونکو لپاره به ګټور تمام شي.
۱۴۴۵/۷/۲۳ هـ ق
۱۴۰۲/۱۱/۱۴ هـ ل
