درې تنو بهرني سېلانیانو له غزني څخه لېدنه وکړه

تېره ورځ درې تنو بهرني سېلانیانو چې د روسيې هېواد وګړي وو، د غزني ولایت د اطلاعاتو او کلتور ریاست سره په همغږۍ یې د دغه ولایت له یو شمېر تاریخي ځایونو څخه لېدنه وکړه. 
د غزني د اطلاعاتو او کلتور رئیس ملا حمیدالله نثار وایي: د اسلامي امارت په واکمن کېدو سره غزني ولایت ته د بهرنيو او کورني سېلانیانو شمېر را زیات شوی دی. 
ښاغلی نثار زیاتوي؛ چې اوس مهال په ټول هېواد کې امنیت ټینګ ده او سېلانیان کولای شي چې د غزني له ښکلاو او تاریخي ځایونو څخه لېدنه وکړي. 
غزني د افغانستان یو له ښکلو، لرغونو او د زیات شمېر تاریخي آبداتو لرونکي ولايت دی، چې د بهرنيو او کورني سېلانیانو پاملرنه یې ځان ته را جلب کړې ده.
د یادوني وړ ده چې د روان لمریز کال له پیله تر دې مهاله زرګونو کورني او ۲۷۹ تنو بهرني سیلانیانو له غزني څخه لیدنه کړي ده.

۱۴۴۵/۶/۲۸ هـ ق
۱۴۰۲/۱۰/۲۰ هـ ش