سرپل کې د امام کلان زیارت د بیارغونې له کارونو ليدنه وشوه
تېره ورځ د تاریخي آبداتو د حفظ او ترمیم ریاست مسلکي ټيم د سرپل د ولايتي انکشافي پروژو د نظارت پلاوي په ملتيا، چې پکې د اطلاعاتو او کلتور رئيس مولوي عبدالغفار حقنما، د اقتصاد او ښارجوړونې رئيسان شامل دي، د امام کلان زيارت د بيارغونې له کارونو څخه ليدنه وکړه.
د اطلاعاتو او کلتور رئيس د يادې پروژې له انجينرانو او کارکوونکو وغوښتل چې کارونه د منظور شوې نقسې سره سم پر مخ يوسي، نوموړي د امام کلان زیارت له مجاورينو د ياد زيارت په سمه ساتنه کې د همکارۍ غوښتنه وکړه.
د پروژې انجنيرانو او کارکوونکو په خپلو کارونو کې د شفافيت ډاډ ورکړ.
د يادونې وړ ده چې سرپل ولايت کې د خواجه علي جوزجاني زيارت، د خشت پل مسجد، خشت پل، او د امام جعفر زيارت د بیارغولو ابتدايي کارونه هم سرته رسېدلي دي.
۱۴۴۵/۶/۱۷ ھ ق
۱۴۰۲/۱۰/۹ ھ ش
