د اطلاعاتو او کلتور رئیس په مشرۍ رسنیزو سرغړونو ته د رسیدنې کمېټې ناسته وشوه

تېره ورځ د لغمان د اطلاعاتو او کلتور رئیس مولوي عبدالنور رسولي په مشرۍ رسنیزو سرغړونو ته د رسیدنې کمېټې ناسته اطلاعاتو او کلتور ریاست کې ترسره شوه.
یاده ناسته کې د امنیه قومندانۍ، امرباالمعروف، استخباراتو ریاستونو استازو او د اطلاعاتو امر عتیق الله قریشي ګډون کړی و.
 د اطلاعاتو امر عتیق الله قریشي لغمان کې د فعالو رسنیو اړوند معلومات ورکړل، نوموړي وویل چې رسنیزو سرغړونو ته د رسېدنې په موخه یې یاده کمیټه جوړه کړې ترڅو پروخت ورته رسیده ګي وکړي.
وروسته د کمېټې مشر او د اطلاعاتو او کلتور رئیس مولوي عبدالنور رسولي وویل چې یاده کمیټه د مرکز د لارښوونو مطابق جوړه شوې، او موخه یې داده ترڅو رسنیز فعالیت وڅاري، چې څه باید نشر کړل شي او څه باید نشر نه شي.
نوموړي وویل: په همدې موخه نن راټول شوي یوو ترڅو رسنیزو تیروتنو او سرغړونو ته د حل لار وګورو، که هره رسنۍ تیروتنه کوي، یاده کمیټه یې باید په اړه پریکړه وکړي، هیڅ ریاست دې په انفرادي توګه د رسنیو پر وړاندې اقدام نه کوي.
۱۴۴۵/۵/۲۸ ھ ق
۱۴۰۲/۹/۲۱ ھ ش