لوګر کې د لوحو او تابلوګانو د اصلاح کمېسیون لومړنۍ ناسته ترسره شوه
لوګر کې د لوحو او تابلوګانو د اصلاح کمېسيون لومړۍ ناسته د اطلاعاتو او کلتور د رئيس په مشرۍ او اړوندو ادارو د استازو په ګډون ترسره شوه.
د اطلاعاتو او کلتور رئیس رفیعالله صمیم وویل: هغه اعلانات او شعارونه، چې زموږ د رسمي ژبو سره په ټکر کې وي او پردي کلمات او لغاتونه پکې کارول شوي وي او غیرمناسب انځورونه، چې د خلکو ذهنونه خرابوي د اصلاح په برخه کې به یې ګړندي ګامونه اوچت او پرځای به یې د اسلامي او افغاني کلتور سره مناسب کلمات او شعارونه ولیکل شي.
د اطلاعاتو او کلتور رئیس زیاته کړه؛ د لوحو او تابلوګانو د اصلاح لپاره د رالېږل شوې کړنلارې د پلي کېدو برخه کې د اړوندو ادارو او بېلابېلو اصنافو د استازو همکاري اړینه ده، نوموړي ډاډ ورکړ چېې نږدې ورځو کې به یاد کمېسیون په ښار کې خپلې عملي چارې پیل کړي.
د اړوندو ادارو استازو د لوحو او تابلوګانو د اصلاح برخه کې، خپل نظرونه، وړاندیزونه شریک او د عملي چارو پروخت یې د هر راز همکاریو ډاډ ورکړ.
۱۴۴۵/۵/۲۷ هـ ق
۱۴۰۲/۹/۲۰ هـ ش
