لغمان کې د عملي ژورنالیزم یو میاشتنی ښوونیز ورکشاپ پیل شو
لغمان کې د افغانستان د ژورنالیستانو ملي اتحادیې لخوا د اطلاعاتو او کلتور او لغمان پوهنتون ریاستونو سره په ګډ تفاهم د لغمان پوهنتون د ژونالیزم څانګې د وروستي کال ۱۶ تنو زده کړیالانو ته د عملي ژورنالیزم تر سرلیک لاندې یو میاشتنی ښوونیز ورکشاپ پیل شو.
د ورکشاپ د پیل په مراسمو کې د اطلاعاتو او کلتور ریاست د اطلاعاتو آمر او د ژرونالیستانو د ملي اتحادیې ولایتي مسؤل، د لغمان پوهنتون علمي مرستیال، د ادبیاتو او بشري علومو پوهنځي رئیس، د انجینرۍ پوهنځي رئیس، د ژرونالیزم څانګې آمر، د ژورنالیستانو د ملي اتحادیې د ولایتي دفتر مرستیال، د زیار راډیو مسؤل او یو شمېر محصلینو ګډون کړی و.
په پیل کې د اطلاعاتو او کلتور ریاست د اطلاعاتو آمر عتیق الله قریشي په خپلو خبرو کې د ژورنالېستانو ملي اتحادیې له مسؤلینو څخه مننه وکړه، چې د لغمان پوهنتون د ژورنالیزم څانګې محصلینو لپاره یې دغه ښوونیز ورکشاپ جوړ کړ.
د یادونې وړ ده، چې دغه ورکشاپ به یوه میاشت دوام کوي، محصلینو ته به د عملي ژورنالیزم په لارو چارو او د ژورنالیزم په هر اړخیزو مسایلو بحث کوي.
۱۴۴۵/۳/۲۲ هـ ق
۱۴۰۲/۷/۱۵ هـ ش
