د اطلاعاتو او کلتور وزارت سرپرست د ننګرهار له والي سره وکتل
نن سه شنبه (۱۴۴۵/۳/۳ هـ ق) د اطلاعاتو او کلتور وزارت سرپرست ملا خيرالله خیرخواه په خپل کاري دفتر کې د ننګرهار له والي حاجي ګل محمد سره وکتل.
په پیل کې ښاغلي والي صاحب له وزير صاحب سره ننګرهار کې د اطلاعاتو او کلتور ریاست پر فعالیتونو خبرې وکړې، هغه هلته د یاد ریاست پرمختګونه او نوښتونه وستایل او زیاته یې کړه چې لا باید په کلتوري برخه کې نوښتونه رامنځته شي، ددې ترڅنګ یې د ولایت مقام لخوا د همکارۍ ډاډ وړاندې کړ.
ورپسې ښاغلي خیرخواه صاحب د ښه راغلاست ترڅنګ د دوی له هر اړخېزې همکارۍ مننه وکړه او زیاته یې کړه، د ننګرهار د اطلاعاتو او کلتور ریاست فعالیتونه په ښه شکل روان دي ددې ترڅنګ یې د هغه ځای پر کلتور، د ځوانانو پر فعالیتونو او د تاریخي سیمو په اړه بحث وکړ.
